କୃଷକଙ୍କ ଜୀବିକା ଏବଂ ଆୟ ବୃଦ୍ଧି ପାଇଁ ସହାୟତା

କୃଷି କ୍ଷେତ୍ରରେ ଅର୍ଥ ବିନିଯୋଗ ଏବଂ କୃଷକମାନଙ୍କର ନିରାପତ୍ତା ରାଜ୍ୟରେ ଦାରିଦ୍ର୍ଯ ଦୂରୀକରଣ ଏବଂ ସମୃଦ୍ଧିର ଧାରାକୁ ତ୍ୱରାନ୍ୱିତ କରିବାରେ ଗୁରୁତ୍ଵ ପୂର୍ଣ୍ଣ ଭୂମିକା ଗ୍ରହଣ କରିଥାଏ। “କାଳିଆ ” (କୃଷକଙ୍କ ଜୀବିକା ଏବଂ ଆୟ ବୃଦ୍ଧି ପାଇଁ ସହାୟତା ) ଯୋଜନା ମାଧ୍ୟମରେ ଚାଷୀ ମାନଙ୍କ ହିତ ସାଧନ ପାଇଁ ରାଜ୍ୟ ସରକାର ଏକ ସାମୁହିକ ଏବଂ ପରିବର୍ତ୍ତନଶୀଳ ସହାୟକ ବ୍ୟବସ୍ଥା ପ୍ରତିଷ୍ଠା କରି କୃଷି ଭିତ୍ତିକ ସମୃଦ୍ଧିର ଧାରାକୁ ତ୍ୱରାନ୍ୱିତ କରିବା ଲକ୍ଷ୍ୟ ରଖିଛନ୍ତି। “କାଳିଆ ” ଯୋଜନାର ମୁଖ୍ୟ ଉଦ୍ଦେଶ୍ଯ ହେଉଛି ରାଜ୍ୟର କୃଷକଙ୍କୁ ଆର୍ଥିକ ସହାୟତା ଚୟନର ସ୍ଵାଧୀନତା ପ୍ରଦାନ କରି ସେମାନଙ୍କ ସଶକ୍ତିକାରଣ ପାଇଁ ପ୍ରେରଣା ଦେବା ସହିତ ରାଜ୍ୟର କୃଷିର ଅଭିବୃଦ୍ଧି ଓ ବିକାଶ କରିବା। ହିତାଧିକାରୀଙ୍କ ନିକଟରେ ବିଭିନ୍ନ ଆର୍ଥିକ ସେବାର ସହଜ ଉପଲବ୍ଧିର ଉନ୍ନତିକରଣ ଦ୍ଵାରା କୃଷିର ଉତ୍ପାଦକତା ଓ କୃଷକଙ୍କର ବିଶେଷ କରି କ୍ଷୁଦ୍ର ଓ ନାମମାତ୍ର ଚାଷୀଙ୍କର ଆୟ ବୃଦ୍ଧିରେ ସହାୟକ ହେବ।


ବାସ୍ତବ ଦୃଷ୍ଟିକୋଣ ଉପରେ ଆଧାରିତ ଏହି ଦୁରଦୃଷ୍ଟି ସମ୍ପନ୍ନ ଯୋଜନା ମାଧ୍ୟମରେ ୧୦,୦୦୦ କୋଟି ଟଙ୍କାରୁ ଊର୍ଦ୍ଧ୍ଵ ରାଶି ବିନିଯୋଗ କରାଯାଇ ରାଜ୍ୟର ଅସମର୍ଥ କୃଷି ପରିବାର, ଭୂମିହୀନ ଚାଷୀ ଏବଂ ନାମମାତ୍ର ଚାଷୀଙ୍କୁ ଋଣ ଯନ୍ତା ଏବଂ ଦାରିଦ୍ର୍ଯରୁ ମୁକ୍ତ କରିବା ଏହି ଯୋଜନାର ଲକ୍ଷ୍ୟ। ‘କାଳିଆ ’ ଯୋଜନା ମାଧ୍ୟମରେ ରାଜ୍ୟ ସରକାର ୯୨ ପ୍ରତିଶତ ଚାଷୀ ଏବଂ ପ୍ରାୟ ସମସ୍ତ ଅଭାବଗ୍ରସ୍ତ ଭୂମିହୀନ ଚାଷୀ ମାନଙ୍କୁ ପରିସର ଭୁକ୍ତ କରିବା ପାଇଁ ବ୍ୟବସ୍ତା କରିଛନ୍ତି। ଏହି ଯୋଜନା ମାଧ୍ୟମରେ ଏହି ସମସ୍ତ ହିତାଧିକାରୀ ବ୍ଯାଙ୍କ ଜମାଖାତାକୁ ସିଧାସଳଖ ସହାୟତା ରାଶି ପ୍ରେରଣ କରାଯିବାର ବ୍ୟବସ୍ଥା କରାଯାଇଛି।

agriculture-help

ଚାଷକାର୍ଯ୍ୟ ପାଇଁ ସହାୟତା

ରାଜ୍ୟର ସମସ୍ତ କ୍ଷୁଦ୍ର ଓ ନାମମାତ୍ର କୃଷକଙ୍କୁ ପ୍ରତି ରବି ଓ ଖରିଫ ଋତୁରେ ଚାଷକାର୍ଯ୍ୟ କରିବା ପାଇଁ ବିହନ, ସାର, କୀଟନାଶକ ଔଷଧ କିଣିବା ସହିତ ମଜୁରି ଓ ଆନୁଷଙ୍ଗିକ ଅନ୍ଯାନ୍ଯ କାର୍ଯ୍ୟ ନିମନ୍ତେ ୫ ଗୋଟି ଫସଲ ଋତୁରେ ମୋଟ୍ ୨୫୦୦୦ ଟଙ୍କାର ସହାୟତା ପ୍ରଦାନ କରାଯିବ। ଏହି ଯୋଜନା ଚଳିତ ୨୦୧୮ -୧୯ ରବି ଋତୁରୁ କାର୍ଯ୍ୟକାରୀ କରାଯାଉଛି।

୨୫,୦୦୦ଟଙ୍କାପ୍ରତି ପରିବାର ପାଇଁ ୫ଟି ଫସଲ ଋତୁରେ
working-help

ଜୀବିକା ପାଇଁ ସହାୟତା

ଗ୍ରାମାଞ୍ଚଳର ଭୂମିହୀନ ଚାଷୀ ପରିବାର ପାଇଁ କୃଷିଭିତ୍ତିକ ଆନୁଷଙ୍ଗିକ କାର୍ଯ୍ୟ ଯଥା କ୍ଷୁଦ୍ର ଛେଳିପାଳନ ୟୁନିଟ୍, କ୍ଷୁଦ୍ର କୁକୁଡା ପାଳନ ୟୁନିଟ, ବତକ ପାଳନ ୟୁନିଟ୍, ମତ୍ସ୍ୟଜୀବୀମାନଙ୍କୁ ମାଛଧରା ଉପକରଣ , ଛତୁଚାଷ ଓ ମହୁଚାଷ ଇତ୍ୟାଦି ନିମନ୍ତେ ୧୨,୫୦୦ ଟଙ୍କାର ଆର୍ଥିକ ସହାୟତା ପ୍ରଦାନ କରାଯିବର ବ୍ୟବସ୍ଥା ଅଛି। ରାଜ୍ୟର ଅନୁସୂଚିତ ଜାତି ଓ ଜନଜାତି ବ୍ୟକ୍ତି ମାନଙ୍କ ପାଇଁ ଏହି ଯୋଜନା ବିଶେଷ ଭାବେ ସହାୟ ହେବ।

୧୨,୫୦୦ଟଙ୍କାଭୂମିହୀନ ପରିବାରଙ୍କୁ ସହାୟତା
farmer-help

ଅସମର୍ଥ କୃଷି ପରିବାର ଏବଂ ଭୂମିହୀନ ଶ୍ରମିକ ମାନଙ୍କୁ ସହାୟତା

ଯେଉଁ କ୍ଷୁଦ୍ର, ନାମମାତ୍ର ତଥା ଭୂମିହୀନ କୃଷି ପରିବାର ଚାଷୀ ବର୍ଦ୍ଧକ୍ଯ, ଅକ୍ଷମତା କିମ୍ବା ରୋଗଦ୍ବାରା ଆକ୍ରାନ୍ତ ହୋଇ କୃଷି କାର୍ଯ୍ୟ ଓ ଜୀବିକା ଉପାର୍ଜନ କରିବା ନିମନ୍ତେ ଅସମର୍ଥ, ସେମାନଙ୍କ ପରିବାର ଜୀବିକା ନିର୍ବାହ କରିବା ପାଇଁ ଏକକାଳୀନ ୧୦,୦୦୦ ଟଙ୍କାର ଆର୍ଥିକ ସହାୟତା ପ୍ରଦାନ କରାଯିବ। ପ୍ରତିବର୍ଷ ୫ ଲକ୍ଷ ପରିବାର ଏହି ଯୋଜନାରେ ଅନ୍ତର୍ଭୁକ୍ତ ହେବେ।

୧୦,୦୦୦ ଟଙ୍କା ପ୍ରତି ପରିବାର ଏବଂ ପ୍ରତିବର୍ଷ ପାଇଁ ଆର୍ଥିକ ସହାୟତା
labour-help

କୃଷକ ଏବଂ ଭୂମିହୀନ ଶ୍ରମିକଙ୍କ ପାଇଁ ଜୀବନ ବୀମା ସୁବିଧା

ଚାଷୀ ଓ ଭୂମିହୀନ ଚାଷୀଙ୍କ ମୃତ୍ୟୁ ବା ଅକ୍ଷମତା ପରେ ତାଙ୍କର ପରିବାରର ସଦସ୍ୟମାନେ ସମ୍ମୁଖୀନ ହେଉଥିବା ଆର୍ଥିକ ଦୁରାବସ୍ଥା ତଥା ଅନିଶ୍ଚିତତାକୁ ହ୍ରାସ କରିବା ଉଦ୍ଦେଶ୍ୟରେ ଜୀବନବୀମା ସହାୟତାର ବ୍ୟବସ୍ଥା କରାଯାଇଛି। ଏହି ବୀମାର ସୁବିଧା ନିମ୍ନ ପ୍ରକାରେ ପ୍ରଦାନ କରାଯିବ। ୧୮ ରୁ ୫୦ ବର୍ଷ ବୟସ ମଧ୍ୟରେ ସମସ୍ତ ସଞ୍ଚୟ ଜମାଖାତାଧାରୀଙ୍କ ପାଇଁ ବାର୍ଷିକ ୨ ଲକ୍ଷ ଟଙ୍କାର ଜୀବନ ବୀମା ସୁବିଧା କରାଯାଇଛି। ଏଥି ପାଇଁ ଧାର୍ଯ୍ୟ ବାର୍ଷିକ ପ୍ରିମିୟମ୍ ଦେୟରୁ ଚାଷୀଙ୍କ ଅଂଶ ବାବଦକୁ ୧୬୫ ଟଙ୍କା ରାଜ୍ୟ ସରକାର ବହନ କରିବେ। ୧୮ ରୁ ୫୦ ବର୍ଷ ବୟସ ମଧ୍ୟରେ ସମସ୍ତ ସଞ୍ଚୟ ଜମାଖାତାଧାରୀଙ୍କ ପାଇଁ ବାର୍ଷିକ ୨ ଲକ୍ଷ ଟଙ୍କାର ବ୍ୟକ୍ତିଗତ ଦୁର୍ଘଟଣା ଜନିତ ବୀମାର ବ୍ୟବସ୍ଥା ଅଛି। ଏଥି ପାଇଁ ଧାର୍ଯ୍ୟ ବାର୍ଷିକ ୧୨ ଟଙ୍କା ପ୍ରିମିୟମ୍ ଦେୟରୁ ଚାଷୀଙ୍କ ଅଂଶ ବାବଦକୁ ୬ ଟଙ୍କା ରାଜ୍ୟ ସରକାର ବହନ କରିବେ। ଉଲ୍ଲେଖ ଯୋଗ୍ୟ ଯେ ୫୧ ରୁ ୭୦ ବର୍ଷ ବୟସ ମଧ୍ୟରେ ଥିବା ସଞ୍ଚୟ ଜମା ଖାତାଧାରୀ ମାନଙ୍କୁ ଉପରସ୍ଥ ପ୍ରଦତ୍ତ ବ୍ୟକ୍ତିଗତ ଦୁର୍ଘଟଣା ବୀମା ସୁବିଧା ନିମନ୍ତେ ସମୁଦାୟ ବାର୍ଷିକ ୧୨ ଟଙ୍କା ପ୍ରିମିୟମ୍ ଦେୟକୁ ରାଜ୍ୟ ସରକାର ବହନ କରିବେ।

୩୩୦ ପ୍ରିମିୟମ୍ ଟଙ୍କାର ଜୀବନ ବୀମା ପାଇଁ

୧୨ ପ୍ରିମିୟମ୍ ଟଙ୍କାର ଦୁର୍ଘଟଣା ଜନିତ ବୀମା ପାଇଁ

୫୧ ରୁ ୭୦ ବର୍ଷର ହିତାଧିକାରୀଙ୍କ ପାଇଁ ପ୍ରିମିୟମ୍ ଓଡିଶା ସରକାର ବହନ କରିବେ

no-interest

ବିନା ସୁଧରେ ଫସଲ ଋଣ ଦେବାର ବ୍ୟବସ୍ଥା

ଖରିଫ ୨୦୧୯ ବର୍ଷ ଠାରୁ ୫୦,୦୦୦ ଟଙ୍କା ପର୍ଯ୍ୟନ୍ତ ଫସଲ ଋଣ ବିନା ସୁଧରେ ପ୍ରଦାନ କରାଯିବ ପାଇଁ କାଳିଆ ଯୋଜନାରେ ବ୍ୟବସ୍ଥା କରାଯାଇଛି।

୫୦,୦୦୦ ଟଙ୍କା ୦% ସୁଧରେ ଋଣ

Download the list of beneficiaries in 3 steps

How do you want the beneficiary data?

Kindly Select the District

The file you requested is ready to download, please click on the icon below.

Kalia beneficiary

List of district

ଖବର

2nd phase of Kalia from April 1st

24 Feb 2019

2nd phase Installment of Kalia from April

24 Feb 2019

2nd phase installment is on Utkal Divas: Kalia.

24 Feb 2019

2nd phase of Kalia from April 1: Naveen

24 Feb 2019

Second phase of Kalia from April 1: CM

24 Feb 2019

CM launches KALIA...

24 Feb 2019

Second phase of Kalia aid preponed to April 1

24 Feb 2019

CM launches Kalia Scholarship scheme

24 Feb 2019

2nd phase Kalia Money will be given on Utkal Divas.

24 Feb 2019

Kalia Scheme is Historical.

24 Feb 2019

Kalia money will be given on Utkal divas...

24 Feb 2019

2nd phase help will be on April 1.

24 Feb 2019

2nd installment of Kalia money will be given on 1st April.

24 Feb 2019

Kalia...

24 Feb 2019

2nd installment of Kalia money will be given on 1st April.

24 Feb 2019

On 1st April...

24 Feb 2019

Agriculture Economy is strengthen in Kalia Scheme.

24 Feb 2019

I am alwyas with you: CM assures Kalia beneficiaries's children.

24 Feb 2019

Center and state is worried about farmers.

24 Feb 2019
ଅଧିକ ଖବର

ଆପଣଙ୍କ ପ୍ରଶ୍ନ

କାଳିଆ ଯୋଜନା ଅନୁଯାୟୀ କୃଷକ ପରିବାର କହିଲେ ଗୋଟିଏ ପରିବାରର ଯେଉଁ ସଦସ୍ୟ ମାନେ ଗୋଟିଏ ରାଶନ କାର୍ଡ ର ଅନ୍ତର୍ଭୁକ୍ତ ।

ଯେଉଁ ପରିବାରର ନିଜସ୍ଵ ଜମି ନଥିବ ଓ ସେମାନେ କୃଷି କର୍ମରେ ୬ ମାସରୁ ଅଧିକ ସମୟ ନିଯୋଜିତ ହୋଇ ପରିବାର ପୋଷଣ କରୁଥିବେ ସେମାନେ ଭୂମିହୀନ କୃଷି ଶ୍ରମିକ ପରିବାର ଅନ୍ତର୍ଭୁକ୍ତ ହେବେ ।

ଅଙ୍ଗନବାଡି କର୍ମୀ ମାନେ ସରକାରଙ୍କର ପୂର୍ଣ ସମୟ ସରକାରୀ କର୍ମଚାରୀ ନୁହନ୍ତି । ତେଣୁ ସେମାନେ କାଳିଆ ଯୋଜନାରେ ଅନ୍ତର୍ଭୁକ୍ତ ହୋଇ ପାରିବେ, ଯଦି ସେମାନେ କାଳିଆ ର ଅନ୍ୟ ସମସ୍ତ ମାନଦଣ୍ଡ ପୂରଣ କରୁଥିବେ ।

  • ହିତାଧିକାରୀ ତାଲିକା ପ୍ରଦର୍ଶନ ଓ ଯାଞ୍ଚ
  • ଯେଉଁ ମାନେ ଦରଖାସ୍ତ କରି ଚୟନ ହୋଇ ନାହାନ୍ତି ସେମାନଙ୍କ ତାଲିକା ଯାଞ୍ଚ, ସ୍ଵତଃ ବାଦ ପ୍ରକ୍ରିୟା ଓ ପଞ୍ଚାୟତ ସ୍ତରରେ ଉପଲବ୍ଧ ସବୁଜ ଦରଖାସ୍ତ ଫର୍ମରେ ଲିଖିତ ଆଧାର ତଥ୍ୟ ଓ ବ୍ୟାଙ୍କ ଖାତାର ତଥ୍ୟ ମେଳକ କାର୍ଯ୍ୟ ।
  • କମ ହିତାଧିକାରୀ ଥିବା ଗ୍ରାମ ପଞ୍ଚାୟତରେ ନୂତନ ଦରଖାସ୍ତ ଫର୍ମ ଗ୍ରହଣ । ଏତଦ ବ୍ୟତୀତ :
  • ଅନ୍ୟ ପଞ୍ଚାୟତର କ୍ଷୁଦ୍ର ନାମମାତ୍ର ଚାଷୀ ଓ ଭୂମିହୀନ କୃଷି ଶ୍ରମିକ ମାନେ କାଳିଆ ଅନଲାଇନ ରେ ନୂତନ ଦରଖାସ୍ତ ଫର୍ମ ଦାଖଲ କରି ପାରିବେ ।

ଉପରୋକ୍ତ କାଳିଆ କାର୍ଯ୍ୟକ୍ରମ ଗୁଡିକ ୬ ଅଗଷ୍ଟ ୨୦୧୯ ଠାରୁ ୨୭ ଅଗଷ୍ଟ ୨୦୧୯ ପର୍ଯ୍ୟନ୍ତ ପଞ୍ଚାୟତ ସ୍ତରରେ ଚାଲୁ ରହିବ ।

ଯଦି କୌଣସି ହିତାଧିକାରୀଙ୍କର ନାମ ପ୍ରଦର୍ଶିତ ତାଲିକାରେ ଥାଇ ସେ ସହାୟତା ପାଇ ନଥାନ୍ତି ତେବେ ତାଙ୍କ ବ୍ୟାଙ୍କ ଖାତାର ତଥ୍ୟ ଭୁଲ ଥିବା ଅନୁମାନ କରାଯାଏ ତେଣୁ ସେ ତାଙ୍କର ଆଧାର ତଥ୍ୟ ଓ ବ୍ୟାଙ୍କ ଖାତାର ତଥ୍ୟ ନକଲ ସହ ସମ୍ପୃକ୍ତ ପଞ୍ଚାୟତ ନୋଡାଲ ଅଧିକାରୀଙ୍କ ସହିତ ଯୋଗାଯୋଗ କରନ୍ତୁ ।

ଯେଉଁ ହିତାଧିକାରି କାଳିଆ ସହାୟତା ରାଶି ଗ୍ରହଣ କରିବା ପାଇଁ ଇଚ୍ଛୁକ ନୁହନ୍ତି ସେ ଏହି ରାଶି ଫେରସ୍ତ ନିମନ୍ତେ ସମ୍ପୃକ୍ତ ବ୍ୟାଙ୍କ ମ୍ୟାନେଜରଙ୍କ ସହିତ ଯୋଗାଯୋଗ କରି ସରକାରଙ୍କ ନିର୍ଧାରିତ କାଳିଆ ଆକାଉଣ୍ଟ ରେ ଏହି ରାଶି ଫେରସ୍ତ କରି ପାରିବେ । ଏହି ଦରଖାସ୍ତ ଫର୍ମ ସମ୍ପୃକ୍ତ ପଞ୍ଚାୟତ ନୋଡାଲ ଅଧିକାରୀଙ୍କ ଠାରୁ ସଂଗ୍ରହ କରି ପାରିବେ କିମ୍ବା kalia.co.in ରେ ଉପଲବ୍ଧ ଫର୍ମ କୁ ଡାଉନଲୋଡ କରି ପାରିବେ ।

ସହାୟତା ରାଶି ଫେରସ୍ତ ପାଇଁ ବ୍ୟାଙ୍କ ଆକାଉଣ୍ଟ ତଥ୍ୟ :-

ନିର୍ଦେଶକ, କୃଷି ଓ ଖାଦ୍ୟ ଉତ୍ପାଦନ, ଓଡ଼ିଶା
ଭାରତୀୟ ଷ୍ଟେଟ ବ୍ୟାଙ୍କ, ସଚିବାଳୟ ଶାଖା
ବ୍ୟାଙ୍କ ଖାତା ନମ୍ବର – 38474500762,
IFSC Code – SBIN0010236

ବର୍ତ୍ତମାନ ପଞ୍ଚାୟତ ସ୍ତରରେ କାଳିଆର ଯେଉଁ କାର୍ଯ୍ୟକ୍ରମମାନ କରାଯାଉଅଛି, ତାହା ସବୁ

  • ପଞ୍ଚାୟତ ସ୍ତରରେ କାଳିଆ ହିତାଧିକାରୀ ତାଲିକା ସାର୍ବଜନୀନ
  • କାଳିଆ ମାନଦଣ୍ଡ ବ୍ୟବହ।ର କରି ଯୋଗ୍ୟ / ଅଯୋଗ୍ୟ ହିତାଧିକାରୀ ଚୟନ ଓ ବାଦ ପ୍ରକ୍ରିୟା
  • ପଞ୍ଚାୟତରେ ଉପଲବ୍ଧ ସବୁଜ ଦରଖାସ୍ତ ଚିଠାରେ ଆଧାର ଓ ବ୍ୟାଙ୍କ ତଥ୍ୟ ତନଖି ଓ ଅଧୁନାତନ
  • ତଥା କମ ହିତାଧିକାରୀ ଥିବା ନିର୍ଦ୍ଧିଷ୍ଟ ପଞ୍ଚାୟତରେ କାଳିଆ ଦରଖାସ୍ତ ଫର୍ମ ଗ୍ରହଣ କାର୍ଯ୍ୟକ୍ରମ

ରାଜ୍ୟ ସରକାରଙ୍କର ତରଫରୁ ଯେଉଁ ସବୁ କ୍ଷୁଦ୍ର ଓ ନାମମାତ୍ର ଚାଷୀ ଏବଂ ଭୂମିହୀନ କୃଷି ଶ୍ରମିକ ମାନଙ୍କୁ ଚୟନ କରାଯାଇ କାଳିଆ ସହାୟତା ରାଶି ପ୍ରଦାନ କରାଯାଇଛି ସେମାନଙ୍କ ତାଲିକା ପଞ୍ଚାୟତ ସ୍ତରରେ ସମସ୍ତଙ୍କ ଅବଗତି ନିମନ୍ତେ ପ୍ରଦର୍ଶିତ କରାଯାଉଛି ।

ଏହି ତାଲିକାରେ ଯେଉଁ ମାନେ କାଳିଆ ସହାୟତା ରାଶି ପାଇବା ପାଇଁ ଯୋଗ୍ୟ ନୁହନ୍ତି ସେମାନଙ୍କୁ ବାଦ ଦେବା ପାଇଁ ଦରଖାସ୍ତ ଫର୍ମ ସମ୍ପୃକ୍ତ ପଞ୍ଚାୟତର ନୋଡାଲ ଅଧିକାରୀଙ୍କ ନିକଟରେ ଦେବା ପାଇଁ ମଧ୍ୟ ବ୍ୟବସ୍ଥା କରାଯାଇଅଛି ।

ପଞ୍ଚାୟତ ସ୍ତରରେ ଏହି କାର୍ଯ୍ୟକ୍ରମ ୬ ଅଗଷ୍ଟ ୨୦୧୯ ଠାରୁ ୧୪ ଅଗଷ୍ଟ ୨୦୧୯ ପର୍ଯ୍ୟନ୍ତ ବଳବତ୍ତର ରହିବ ।

10 out of 105